Ժաննա Պետրոսի Զուրաբյան
Երաժշտագետ
1981 թ-ից Հայաստանի կոմպոզիտորների միության (ՀԿՄ) և վարչության անդամ է:
Ծնվել է 30.08.1941 թ., ք. Կիրովականում:
Էլ. փոստ` Zurabian@yandex.ru
Կրթություն
1966 թ. ավարտել է Երևանի Կոմիտասի անվան պետական կոնսերվատրիայի (ԵՊԿ) երաժշտագիտության բաժինը (ղեկ.՝ Ա. Բարսամյան):
1984 թ. Կիևի Մ. Ռիլսկու անվան ինստիտուտում պաշտպանել է թեկնածուական ատենախոսություն՝ «Թեմատիզմի ազգային ինքնատիպությունը հայ սիմֆոնիկ երաժշտության մեջ» թեմայով:
2014 թ. ՀՀԳԱԱ Արվեստի ինստիտուտում պաշտպանել է դոկտորական ատենախոսություն «Ազգային մոնոդիայի ստեղծագործական վերադրսևորումները հայ կոմպոզիտորների գործիքային ստեղծագործություններում» թեմայով:
Աշխատանքային գործունեություն
1963-1980 թթ. Երևանի Սայաթ-Նովայի անվան երաժշտական դպրոցում դասավանդել է երաժշտա-տեսական առարկաներ:
1982-1991 թթ. ղեկավարել է Հայաստանի կոմպոզիտորների միության երաժշտագիտական սեկցիան:
1970 թ-ից դասավանդում է ԵՊԿ երաժշտության պատմության ամբիոնում:
1992 թ-ից վարում է ԵՊԿ գիտական քարտուղարի պաշտոնը:
Երաժշտագիտական գործունեություն
Գործում է երաժշտագետի մասնագիտության տարբեր բնագավառներում՝ գիտական, մանկավարժական, քննադատական-հրապարակախոսական, լուսավորչական, հասարակական-կազմակերպչական:
Տարբեր տարիների եղել է ՀՀ մշակույթի նախարարության, Բարձրագույն կրթության նախարարության, Հայֆիլհարմոնիայի, ՀՀ Ռադիո-հեռուստատեսության գեղարվեստական խորհուրդների անդամ, ՀՀ վարչապետին կից կանանց հանրային խորհրդի անդամ (Ա.Մարգարյանի օրոք), տարբեր մրցույթների ժյուրիի անդամ, 2013-ից՝ ՀՀ նախագահի կողմից տրվող Պետական մրցանակի մրցութային հանձնաժողովի անդամ, ՀՀԳԱ Արվեստի ինստիտուտում գործող ՀՀ ԲՈՀ-ի 016 Արվեստագիտության խորհրդի անդամ (2014 թ-ից):
Հրատարակված աշխատություններ
ա) Մենագրություններ
- «Ալ. Աճեմյան», «Արճեշ» հրատ., Երևան, 1997 թ.
- «Ազգային ինտոնացիոն ակունքները հայ սիմֆոնիկ երաժշտության թեմատիզմում», «Կոմիտաս» հրատ., Երևան, 2002 թ. (ռուսերեն լեզվով)
- «Երաժշտության աշխարհում» գիրք II, Հայկական օպերա, համահեղինակ՝ Ռ. Եսայան, «Արևիկ» հրատ., Երևան, 2006 թ.
- «Մոնոդիան հայ կոմպոզիտորների գործիքային ստեղծագործություններում» – Երևան, 2014, ՀՀ «Գիտություն» հրատ.:
բ) Շուրջ 40 գիտական հոդված Հայաստանյան և արտասահմանյան գիտական ժողովածուներում, որոնց մեծ մասը նվիրված է հայ կոմպոզիտորների ստեղծագործություններում ազգային բնորոշության դրսևորումների բացահայտմանը:
գ) Շուրջ 40 հոդված երաժշտական հանրագիտարաններում (Երևան, Լոնդոն, Դեթրոյթ և այլն):
դ) Շուրջ 30 հոդված ՀՀ պարբերական մամուլում:
ե) Մասնակցություն հանրապետական և միջազգային գիտաժողովներում (Երևան, Գյումրի, Մոսկվա, Լենինգրադ, Տալին, Վիլնյուս, Դուշանբե, Քեմբրիջ-ԱՄՆ և այլն):
զ) երաժշտական-լուսավորչական աշխատանքներ, այդ թվում` շուրջ 400 բեմական ելույթ (ներածական խոսք, համերգ-զրույցներ) ՀԿՄ, Երաժշտական ընկերության, «Գիտելիք» ընկերության, «Դպրոցականի ֆիլհարմոնիայի», կոնսերվատորիայի – համերգային միջոցառումներին:
Իրագործել է 200-ից ավելի ռադիո-հեռուստատեսային հաղորդումներ, այդ թվում՝ ամբողջական հաղորդաշարեր՝ «Հայկական ռոմանս», «Դեմիրճյան-25», «Երաժշտական հանրագիտարան», «Քո սիրած կոմպոզիտորը», «Հայ կոմպոզիտորների նոր երկերը», «Ռուսական երաժշտության դասականները» և այլն:
Կոչումներ, մրցանակներ, գիտական աստիճան, պետական պարգևներ
1988 թ. ստացել է ԵՊԿ դոցենտի գիտական աստիճան:
1996 թ. ստացել է ԵՊԿ պրոֆեսորի գիտական աստիճան:
2002 թ. Ամերիկյան կենսագրական ինստիտուտի (ABI) տնօրենների խորհրդի, խմբագիրների կառավարման խորհրդի և հրատարակչությունների խորհրդի որոշմամբ շնորհվել է «Խորհրդատուների պատվավոր անդամի կոչում»:
2013 թ. ՀՀ նախագահի կողմից շնորհվել է «Մովսես Խորենացի» մեդալ:
«Լավագույն հոդվածաշարի» համար արժանացել է Արա Աբրահամյանի կողմից սահմանվող Հայաստանի կոմպոզիտորների և երաժշտագետների միության մրցանակի: